శ్రీ లింగాష్టకం (అయ్యప్ప భక్తుల పఠన క్రమంలో)

0

పల్లవి 

శంభో శంకర నమః శివాయ । సాంబ సదాశివ నమః శివాయ ।
స్వామియే శరణం శరణం అయ్యప్ప । అయ్యప్పా శరణం శరణం అయ్యప్ప ॥

బ్రహ్మమురారిసురార్చితలింగం నిర్మలభాసితశోభితలింగమ్ ।
జన్మజదుఃఖవినాశకలింగం తత్ప్రణమామి సదాశివలింగమ్ ॥ 1 ॥

దేవమునిప్రవరార్చితలింగం కామదహనకరుణాకరలింగమ్ ।
రావణదర్పవినాశకలింగం తత్ప్రణమామి సదాశివలింగమ్ ॥ 2 ॥

సర్వసుగంధసులేపితలింగం బుద్ధివివర్ధనకారణలింగమ్ ।
సిద్ధసురాసురవందితలింగం తత్ప్రణమామి సదాశివలింగమ్ ॥ 3 ॥

కనకమహామణిభూషితలింగం ఫణిపతివేష్టితశోభితలింగమ్ ।
దక్షసుయజ్ఞవినాశనలింగం తత్ప్రణమామి సదాశివలింగమ్ ॥ 4 ॥

కుంకుమచందనలేపితలింగం పంకజహారసుశోభితలింగమ్ ।
సంచితపాపవినాశనలింగం తత్ప్రణమామి సదాశివలింగమ్ ॥ 5 ॥

దేవగణార్చితసేవితలింగం భావైర్భక్తిభిరేవ చ లింగమ్ ।
దినకరకోటిప్రభాకరలింగం తత్ప్రణమామి సదాశివలింగమ్ ॥ 6 ॥

అష్టదళోపరివేష్టితలింగం సర్వసముద్భవకారణలింగమ్ ।
అష్టదరిద్రవినాశనలింగం తత్ప్రణమామి సదాశివలింగమ్ ॥ 7 ॥

సురగురుసురవరపూజితలింగం సురవనపుష్పసదార్చితలింగమ్ ।
పరమపదం పరమాత్మకలింగం తత్ప్రణమామి సదాశివలింగమ్ ॥ 8 ॥

లింగాష్టకమిదం పుణ్యం యః పఠేచ్ఛివసన్నిధౌ ।
శివలోకమవాప్నోతి శివేన సహ మోదతే ॥

నమః పార్వతీపతయే హర హర హర మహాదేవ శంభో శంకర ॥

LEAVE A REPLY

Please enter your comment!
Please enter your name here