శ్రీ నారాయణోపనిషత్

0

సృష్టి అంతా నారాయణుని నుండే  “ఓం నమో నారాయణాయ” అష్టాక్షరి మహిమను వివరించే ఉపనిషత్తు.

నారాయణోపనిషత్

ఓం సహ నావవతు । సహ నౌ భునక్తు । సహ వీర్యం కరవావహై । తేజస్వి నావధీతమస్తు మా విద్విషావహై ॥ ఓం శాంతిః శాంతిః శాంతిః ॥
ఓం అథ పురుషో హ వై నారాయణోఽకామయత ప్రజాః సృజేయేతి । నారాయణాత్ప్రాణో జాయతే । మనః సర్వేంద్రియాణి చ । ఖం వాయుర్జ్యోతిరాపః పృథివీ విశ్వస్య ధారిణీ । నారాయణాద్బ్రహ్మా జాయతే । నారాయణాద్రుద్రో జాయతే । నారాయణాదింద్రో జాయతే । నారాయణాత్ప్రజాపతిః ప్రజాయతే । నారాయణాద్ద్వాదశాదిత్యా రుద్రా వసవః సర్వాణి ఛందాగ్ంసి నారాయణాదేవ సముత్పద్యంతే । నారాయణాత్ప్రవర్తంతే । నారాయణే ప్రలీయంతే ॥ 1 ॥
ఓం అథ నిత్యో నారాయణః । బ్రహ్మా నారాయణః । శివశ్చ నారాయణః । శక్రశ్చ నారాయణః । కాలశ్చ నారాయణః । దిశశ్చ నారాయణః । విదిశశ్చ నారాయణః । ఊర్ధ్వం చ నారాయణః । అధశ్చ నారాయణః । అంతర్బహిశ్చ నారాయణః । నారాయణ ఏవేదగ్ం సర్వమ్ । యద్భూతం యచ్చ భవ్యమ్ । నిష్కలంకో నిరంజనో నిర్వికల్పో నిరాఖ్యాతః శుద్ధో దేవ ఏకో నారాయణః । న ద్వితీయోఽస్తి కశ్చిత్ । య ఏవం వేద స విష్ణురేవ భవతి స విష్ణురేవ భవతి ॥ 2 ॥
ఓమిత్యగ్రే వ్యాహరేత్ । నమ ఇతి పశ్చాత్ । నారాయణాయేత్యుపరిష్టాత్ । ఓమిత్యేకాక్షరమ్ । నమ ఇతి ద్వే అక్షరే । నారాయణాయేతి పంచాక్షరాణి । ఏతద్వై నారాయణస్యాష్టాక్షరం పదమ్ । యో హ వై నారాయణస్యాష్టాక్షరం పదమధ్యేతి । అనపబ్రువః సర్వమాయురేతి । విందతే ప్రాజాపత్యగ్ం రాయస్పోషం గౌపత్యమ్ । తతోఽమృతత్వమశ్నుతే తతోఽమృతత్వమశ్నుత ఇతి । య ఏవం వేద ॥ 3 ॥
ప్రత్యగానందం బ్రహ్మపురుషం ప్రణవస్వరూపమ్ । అకార ఉకార మకార ఇతి । తానేకధా సమభరత్తదేతదోమితి । యముక్త్వా ముచ్యతే యోగీ జన్మసంసారబంధనాత్ । ఓం నమో నారాయణాయేతి మంత్రోపాసకః । వైకుంఠభువనలోకం గమిష్యతి । తదిదం పరం పుండరీకం విజ్ఞానఘనమ్ । తస్మాత్తడిదాభమాత్రమ్ । బ్రహ్మణ్యో దేవకీపుత్రో బ్రహ్మణ్యో మధుసూదనోమ్ । సర్వభూతస్థమేకం నారాయణమ్ । కారణరూపమకార పరబ్రహ్మోమ్ । ఏతదథర్వశిరోయోఽధీతే ॥ 4 ॥
ఓం సహ నావవతు … ఓం శాంతిః శాంతిః శాంతిః ॥

వేదమంత్రాలను స్వరంతో (ఉదాత్త, అనుదాత్త, స్వరిత) గురుముఖంగా నేర్చుకొని పఠించాలి. ఇక్కడ స్వర చిహ్నాలు లేకుండా పాఠం మాత్రమే ఇవ్వబడింది  పారాయణకు సహాయంగా. 

LEAVE A REPLY

Please enter your comment!
Please enter your name here